شعر

**obaida amer** في الأربعاء أغسطس 18, 2010 3:30 pm

علئ كل الحسن هالزين...شامل
وتدمير الجمال البيه...شامل
رمت روحي بسهم ياناس..شامل
غفت فوك الشفايف كصت بيه
---------------------------------------------------
العشك ماله علاقه...والتجاره
وحبيب كليبي اته...واته جاره
تخلي دموعي تنزف... واتجاره
وانته اغلئ واعز الناس اليه
---------------------------------------------------------
جثيره جروح كلبي...شلنه بيها
وديره باثر ديره...شلنا بيها
الجنه بغيركانته...شلنا بيها
اذا جنت انت جنه علئ الوطيه
-------------------------------------------------
انه الماعتبك كلبي...ولامك
واخيك مو احن مني...ولامك
واطشر عمري يامدلل...والمك
واجافي الكون اذا تزعل عليه
-------------------------------------------------
ليش امندخلت كلبي...بلاذان
وصلاتي كمت اصليها...بلاذان
كمت ماشوف مايسمع...بلاذان
عفاك الله تهت رعني اليه
-------------------------------------------------